Green Card haqida bilishingiz kerak bo‘lgan hamma narsa

Green Card lotereyasi nima

Diversity Visa (DV) dasturi har yili AQShga immigratsiyasi kam bo‘lgan davlatlar fuqarolari orasida 55 000 tagacha immigratsion vizani tasodifiy o‘ynaydi. G‘olib bo‘lgan va vizani olgan kishi AQShda doimiy yashash va ishlash huquqiga ega bo‘ladi.

Lotereyani AQSh Davlat departamenti o‘tkazadi. Anketalar faqat dvprogram.state.gov saytida qabul qilinadi va natijalar ham shu yerda tekshiriladi.

Kim qatnasha oladi

• Tug‘ilgan davlat ro‘yxatda bo‘lishi kerak. O‘zbekistonda tug‘ilganlar qatnasha oladi. Fuqarolik emas, tug‘ilgan joy hisobga olinadi.
• Ma’lumot: kamida o‘rta maktab (11 yillik) yoki unga teng ta’lim. Yoki oxirgi 5 yilda kamida 2 yillik tayyorgarlik talab qiladigan kasbda 2 yillik ish tajribasi.
• Pasport: amaldagi xorijga chiqish pasporti va uning skani talab qilinadi (2026-yildan yangi qoida).

Oila a’zolari

• Turmush qurgan bo‘lsangiz, juftingizni albatta kiritasiz, u qatnashmoqchi bo‘lmasa ham.
• 21 yoshgacha bo‘lgan, turmush qurmagan barcha farzandlar kiritiladi, siz bilan yashamaydiganlari ham.
• Er va xotin har biri alohida anketa topshirishi mumkin, har birida ikkinchisi juft sifatida ko‘rsatiladi.

Rasm talablari

• O‘lcham600 × 600 px
• Hajm≤ 240 KB
• FormatJPEG
• FonOq yoki och
• MuddatOxirgi 6 oy

• Yuz to‘g‘riga qaragan, ko‘zlar ochiq, neytral ifoda.
• Ko‘zoynak, bosh kiyim (diniy sabablardan tashqari) va soya bo‘lmasligi kerak.
• Har bir oila a’zosi uchun alohida rasm, boshqa rasmdan qirqib olinmagan.

Saytga yuklagan rasmingiz avtomatik 600×600 o‘lchamga keltiriladi va darhol tekshiriladi, operator esa talabga mosligini qo‘lda tasdiqlaydi.

DV-2027 muddatlari

• 29-oktabrRasmiy sanalar va qoidalar e’lon qilinishi kerak (sud qarori)
• 1-noyabrRo‘yxat ochilishining oxirgi muddati
• 30 kunRo‘yxat kamida shuncha vaqt ochiq turadi
• 3-dekabrTanlanganlarni xabardor qilishning oxirgi muddati
• 30-sentabr 2027DV-2027 vizalari beriladigan oxirgi kun

Sanalar sud qarori asosida. Rasmiy e’londan so‘ng yangilanadi.

Xarajatlar

• Ro‘yxat to‘lovi: har bir anketa uchun $1, qaytarilmaydi. GreenCard2027 tariflariga kiritilgan.
• Viza arizasi yig‘imi: faqat tanlanganlar uchun, har bir kishiga $330.
• Tanlanganlar keyinchalik tibbiy ko‘rik, hujjatlar tarjimasi va yo‘l xarajatlarini ham hisobga olishi kerak.

Firibgarlardan ehtiyot bo‘ling

• Hech kim yutishni kafolatlay olmaydi. Kafolat va’da qilganlardan uzoq turing.
• Tasdiqlash kodi albatta sizga berilishi kerak. Busiz natijani bilib bo‘lmaydi.
• AQSh hukumati g‘oliblarga elektron pochta yoki SMS yubormaydi. Natija faqat rasmiy saytda.
• Rasmiy sayt manzili .gov bilan tugaydi: dvprogram.state.gov.